Fələstin HƏMAS hərəkatı fevralın 8-də Qəzzada saxlanılan üç israilli girovu azad edəcək, HƏMAS-ın hərbi qanadı Əl-Qəssam Briqadalarının sözçüsü Əbu Ubaida bildirib.

“[İsrail ilə] mübadilə razılaşmasına əsasən, biz Eliyahu Sharabi, Or Levy və Ohad Ben Amini şənbə, fevralın 8-də azad etmək qərarına gəldik”, o Telegram-da yazıb.

Girovlardan biri Ohad Ben Ami ikili İsrail-Almaniya vətəndaşıdır.

Cümə günü səhər saatlarında Həmas Qəzzada atəşkəs razılaşmasına sadiq qaldığını, lakin İsraili humanitar sazişin icrasını gecikdirməkdə, Fələstin anklavına çadırlar, yanacaq və dağıntıların çıxarılması üçün avadanlıqların çatdırılmasına mane olmaqda ittiham edib.

Qəzzada atəşkəs yanvarın 19-da qüvvəyə minib. Həmin gün üç israilli qadın evlərinə qaytarılıb. İsrail də öz növbəsində 90 fələstinli məhbusu azad edib. Yanvarın 25-də daha dörd israilli qadın Qəzza zolağında əsirlikdən, İsrail isə 200 fələstinli məhbusu azad edib. Onlardan 114-ü İordan çayının qərb sahilinə gəlib, 16-sı Qəzzaya qayıdıb, qalan 70-i isə Misirə deportasiya edilib.

Yanvarın 30-da mübadilənin əlavə raundunda üç İsrail vətəndaşı və beş Tailand vətəndaşı, 110 Fələstin vətəndaşı isə İsrail həbsxanalarından azad edilib. Fevralın 1-də Qəzzadan daha üç girov qaytarılıb, onlardan biri ikili İsrail-Fransa vətəndaşıdır, digəri isə İsrail və ABŞ pasportlarına malikdir. İsrail həbsxanalarından 183 fələstinli azad edildi; onlardan səkkizi Misirə aparıldı.