ABŞ prezidenti Donald Tramp Rusiyanın iştirakı ilə Səkkizlər Qrupunun (G8) yenidən yaradılmasının tərəfdarı olduğunu bildirib. Bu barədə Reuters xəbər verir.

Agentliyin məlumatına görə, Amerika lideri bu barədə Oval kabinetdə yeni gömrük rüsumları haqqında fərmanın imzalanması zamanı bildirib.

Tramp Rusiyanın G8-dən çıxarılmasını səhv adlandıraraq, Rusiya Federasiyasının daxil olduğu əvvəlki formata üstünlük verib.

Yeddilik Qrupu (G7) Böyük Britaniya, Almaniya, İtaliya, Kanada, ABŞ, Fransa və Yaponiyanın daxil olduğu yüksək inkişaf etmiş ölkələrin birliyidir. Bu klubun ilk iclası 1975-ci ildə Fransada keçirilib və onun üzvlərinə Böyük Britaniya, Qərbi Almaniya, İtaliya, ABŞ, Fransa və Yaponiya daxildir. “G7” formatı 1976-1997-ci illərdə fəaliyyət göstərib, bundan sonra Rusiyanın qoşulması sayəsində assosiasiya “Böyük Səkkizlik” kimi tanınmağa başlayıb. Lakin 2014-cü ilin martında (Barak Obamanın prezidentliyi dövründə) Ukraynada baş verən hadisələrə və ABŞ-la Avropanın Rusiya ilə münasibətlərindəki gərginliyə cavab olaraq Qərb ölkələri G7 formatına qayıtmaq qərarına gəliblər.