Türkiyə lideri Ərdoğan bildirib ki, Türkiyə Ukrayna ilə bağlı danışıqlar üçün münasib yer ola bilər. Türkiyə prezidenti Ukrayna problemi ilə bağlı Ankara ilə Vaşinqtonun yeni administrasiyası arasında yaxın münasibət olduğunu xüsusi qeyd edib.
Türkiyə lideri Rəcəb Tayyib Ərdoğan bildirib ki, Türkiyə Ukraynanın nizamlanması üçün platforma kimi ən yaxşı variant ola bilər. Bu barədə Türkiyə mətbuatı məlumat yayıb. 

Türkiyə prezidentinin qeyd etdiyi kimi, Trampın Ukrayna problemi ilə bağlı fikirləri Ankaranın bu məsələdə mövqeyinə yaxındır. 

Türkiyə prezidenti həmçinin bəyan edib ki, Ankara tərəflər arasında dialoqun qurulması və sülhə nail olmaq üçün lazım olan hər şeyi etməyə hazırdır. 

Qeyd edək ki, Ər-Riyadda Moskva və Vaşinqton nümayəndələri bir neçə ildən sonra ilk görüşlərini keçiriblər və bu görüşdə ölkələr arasında münasibətlərin normallaşması və diplomatik təmasların bərpası müzakirə olunub. Tərəflər həmçinin Ukraynanın nizamlanması prosesinin başlaması barədə razılığa gəliblər.