Volodimir Zelenski Böyük Britaniyanın baş naziri Keir Starmerlə ABŞ prezidenti Donald Tramp arasında mübahisə ilə nəticələnən görüşdən sonra zəng edib. Bu barədə TASS Sky News-a istinadən xəbər verir.
Nəşrin məlumatına görə, Zelenski Starmerlə vəziyyəti müzakirə edib, bundan sonra sosial şəbəkələrdə Trampla atışmanı şərh edib – o, söhbətin uğursuz gedişindən təəssüfləndiyini bildirib, eyni zamanda ABŞ və Ukraynanın gələcəkdə əməkdaşlıq edəcəyinə ümid etdiyini bildirib. Eyni zamanda, Starmerin özü də həmin gün Trampla telefon danışıqları aparıb.
Starmerin nümayəndələri nəşrə bildiriblər ki, “Baş nazir Ukrayna üçün mümkün qədər tez davamlı və təhlükəsiz sülh əldə etmək üçün bütün tərəflərin səy göstərməsinin vacibliyini qeyd edib”.
ABŞ Zelenskiyə maliyyə ultimatumu verib

Xatırladaq ki, fevralın 28-də Tramp və Zelenski nadir torpaq metallarına dair saziş imzalamaq üçün Ağ Evdə görüşmüşdülər. Bu prosesdə onlar dava salıblar – nəticədə Zelenski planlaşdırılan sənədlərin imzalanması və birgə mətbuat konfransı olmadan Ağ Evi erkən tərk edib.