Tacikistanın hərbi qulluqçuları mayın 9-da Moskvanın Qızıl Meydanında keçiriləcək hərbi paradda iştirak edəcək. Bu barədə RİA Novosti respublikanın Müdafiə Nazirliyinə istinadən xəbər verir.
"Tacikistan Silahlı Qüvvələrinin hərbçiləri Moskvada Böyük Qələbənin 80 illiyinə həsr olunmuş təntənəli hərbi paradda iştirak edəcəklər", - məlumatda deyilir.
Hərbçilərin mayın əvvəlində Moskvaya gedəcəyi qeyd edilir. Hərbçilərin dəqiq sayı məlum deyil.

Bundan əvvəl prezidentin mətbuat katibi Peskov bildirmişdi ki, Qələbənin 80 illiyi “fərqli bayram miqyası” deməkdir. Bununla əlaqədar olaraq, mayın 9-u ərəfəsində Rusiyanın hər bir regionu təhlükəsizlik və digər aspektlərlə bağlı öz rejimlərini tətbiq edəcək. Bundan əlavə, o bildirib ki, Moskvada Qələbə günü xüsusi hərbi əməliyyatın qəhrəmanları Qızıl Meydanda yürüş edəcəklər.