Bakıda səfərdə olan Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi, Avropa Komissiyasının vitse-prezidenti Kaya Kallasın Azərbaycana gəlişi erməniləri qorxuya saldı.
“Burada olmaqdan çox xoşbəxtəm”. Azərbaycan regionda mühüm tərəfdaşdır. "Münasibətlərimizin möhkəmlənməsi ilə bağlı gözləntilərimiz var", - Kallas Azərbaycanın xarici işlər naziri Ceyhun Bayramovla birgə mətbuat konfransında deyib.

O, Ukraynaya göstərilən köməyə görə Azərbaycana təşəkkür edib.
Bundan narahat olan erməni mediası yazır ki, Azərbaycana qarşı qəfil oyanan hisslər Rusiya qazından imtinaya görə birbaşa olaraq Avropaya qaz nəqli ilə bağlıdır. Avropa Moskvanı tənqid etməklə Bakının soyqırım siyasətinə sevinclə göz yumur.