Dövlət Departamenti ABŞ vətəndaşlarını Venesuelaya səyahət etməməyə çağırıb. RİA Novosti bu barədə Dövlət Departamentinin bəyanatına istinadən xəbər verir.

"Dövlət Departamenti Venesuelaya səyahət tövsiyələrinin ən yüksək səviyyəsini - 4-cü səviyyə: səyahət etməyin - qeyri-qanuni həbs, həbsxanada işgəncə, terrorizm, insanların oğurlanması, hüquq-mühafizə orqanlarının ədalətsiz iş üsulları da daxil olmaqla ciddi risklərə görə təyin edir", - deyə məlumatda bildirilir.

Bundan əvvəl Suriya hakimiyyəti ABŞ Dövlət Departamentinin Dəməşqdə mümkün terror aktları ilə bağlı xəbərdarlığından sonra təhlükəsizlik tədbirlərini gücləndirib.

Suriya rəhbərliyi təhlükəsizlik xidmətlərinə və Müdafiə Nazirliyinə təhdidlərə qarşı çevik və effektiv tədbirlər görməyi tapşırıb.

ABŞ Dövlət Departamenti öz vətəndaşlarına xəbərdarlıq edib ki, hazırda Suriyaya səfərlər turistlərə attraksionların yaxınlığında, eləcə də ticarət mərkəzləri də daxil olmaqla insanların çox olduğu yerlərdə hücum riski səbəbindən təhlükəlidir.