Qeqam Manukyan və Vahe Sarkisyanla Sünik vilayətinin Xoznavar, Vaqatur və Xnatsax sərhəd kəndlərində olduq, deyə NA “Ermənistan” fraksiyasının üzvü Qarnik Danielyan yazıb.
2020-ci il müharibəsindən sonra Xoznavar, Vağatur və Xnatsaxın otlaq və çəmənliklərinin əhəmiyyətli hissəsi Azərbaycanın nəzarətinə keçib. Maldarlıq və arıçılıq azalıb. Kəndlilər əsas dolanışıq vasitələrindən məhrum olublar. Heyvandarlıqla məşğul olan kənd sakinləri südün qiymətinin davamlı olaraq ucuzlaşdığı bir şəraitdə alınan süddən 5 faiz vergi tutulması barədə qərarın qəbulu ilə bağlı söz-söhbətlərin getməsindən narahat olduqlarını bildiriblər. Bu söz-söhbətlər reallaşsa, kənd sakinlərinin fikrincə, onların çoxu heyvandarlıqla məşğul olmağı dayandıracaq.

Kəndlərin və ümumiyyətlə, Qorisin icmalararası yollarının vəziyyəti acınacaqlıdır; yol tikintisi işlərinə bu yaxınlarda başlanılıb.

Mühacirət həyəcan verici bir tempə çatıb və gənclər artıq adıçəkilən qəsəbələrdə öz gələcəklərini görmürlər. Bu acınacaqlı reallıq kəndlərdə işsizlik və təhlükəsizlik problemləri ilə bağlıdır.

Sərhəd kəndlərinin son dərəcə ağır şəraitdə sağ qalan dükanları və kiçik ticarət kəndliləri üçün əlverişsiz şərait yaradılıb. Vergi yükünün artması nəticəsində sonuncular bağlanma təhlükəsi ilə üzləşirlər.

Sosial şəraitin əlverişsiz olmasına baxmayaraq, su sayğacları quraşdırıb, əvvəllər heç bir maneə olmayan dağlardan axan təbii bulaqların suyundan kənd sakinlərinə istifadə etməyi qadağan ediblər. Mənə onu da bildirdilər ki, kənd sakinləri meşədən paxla kolları üçün taxta dirəklər (lobu sari) yığdıqlarına görə ekoparklar tərəfindən cərimələnirlər.

Sakinlərlə söhbətlərdə qeyd etdiyimiz ən ağrılı məqam isə perspektivin olmamasıdır. Bu arada sərhəd ərazisində qalan kənd və sərhəd kəndlisi də öz arxasında dövlətin və hakimiyyətin gündəlik diqqət və qayğısını hiss etməli idi”, - deyə deputat yazıb.