Gosdep: Tramp və Putin arasında söhbət ABŞ-ın münaqişənin həlli səylərinin bir hissəsidir.

ABŞ prezidenti Donald Tramp və Rusiya prezidenti Vladimir Putin arasında telefon danışığı Vaşinqtonun Ukraynadakı vəziyyəti tənzimləməyə yönəlmiş diplomatik təşəbbüslərinin bir hissəsidir, Dövlət Departamentinin rəsmisi Tammy Bruce çərşənbə günü Fox News telekanalına bildirib.

"Bu, şübhəsiz ki, danışıqlar prosesinin bir hissəsidir. Belə dialoq diplomatik səylərin elementidir, onların xarakteri liderlər arasında ünsiyyətdir və bu, müsbət dəyişikliklərə səbəb ola bilər", - o qeyd edib.

Brüs vurğulayıb ki, ABŞ prezidenti münaqişənin sülh yolu ilə həllinə çalışmaqda davam edir.

Çərşənbə günü Tramp deyib ki, Putinə zəng vurub, iki lider arasında söhbət 1 saat 15 dəqiqə davam edib. Ağ Ev rəhbəri həmçinin Rusiya prezidenti ilə söhbətin müsbət olduğunu, lakin “dərhal sülhə gətirib çıxaracaq söhbət olmadığını” bildirib. Həmçinin Putinlə telefon danışığından sonra Tramp bildirib ki, Rusiya Ukrayna Silahlı Qüvvələrinin Rusiya aerodromlarına son hücumuna “cavab verəcəyini” vəd edib.