ABŞ F-35 ilə bağlı qətiyyətini davam etdirir. Ankara qırıcı almaq üçün S-400-dən imtina etməlidir.
ABŞ Dövlət Departamenti Ankara qarşısında şərt qoyub ki, onun yerinə yetirilməsi ölkənin beşinci nəsil F-35 qırıcılarının proqramına daxil edilməsinə zəmanət verir. 

Nəşrin yazdığına görə, Vaşinqtonun mövqeyində ciddi dəyişikliklər baş verməyib. ABŞ hələ də Türkiyənin Rusiyanın S-400 hava hücumundan müdafiə sistemlərindən qurtulmasının vacibliyində israr edir. Qeyd olunur ki, şərtlər 2020-ci ildə ABŞ hərbi departamentinin sənədlərində qanuni şəkildə təsbit olunub.   

Xatırladırıq ki, 2019-cu ildə Türkiyə Rusiyadan S-400 hava hücumundan müdafiə sistemlərini aldıqdan sonra Vaşinqton Ankaranı beşinci nəsil F-35 qırıcısı layihəsindən kənarlaşdırmışdı. O vaxtdan Ankara Hərbi Hava Qüvvələrinin ehtiyacları üçün Amerika təyyarələri almaq niyyətində olmaqla ölkəni layihəyə qaytarmağa çağırıb.