Rusiya prezidentinin köməkçisi Yuri Uşakov Çində İkinci Dünya Müharibəsinin başa çatmasının 80 illiyi ilə bağlı tədbirlər zamanı Rusiya lideri Vladimir Putinin Azərbaycan Prezidenti İlham Əliyevlə görüşünün mümkünlüyünü şərh edib.
Jurnalistlər bu gün Rusiya liderinin köməkçisi Yuri Uşakovdan Rusiya və Azərbaycan prezidentləri Vladimir Putin və İlham Əliyev arasında sentyabrın əvvəlində Pekində görüşünün baş tuta biləcəyi ilə bağlı sual veriblər.

Uşakov qeyd edib ki, İlham Əliyev sentyabrın 3-də Pekində İkinci Dünya Müharibəsinin başa çatmasının 80 illiyinə həsr olunmuş bayram paradında iştirak edəcək. Daha sonra jurnalist ondan dövlət başçılarının görüşünün mümkün olub-olmadığını soruşub.

Buna cavab olaraq Putinin köməkçisi bu görüş üçün heç bir xüsusi tədbirin olmadığını bildirdi.

Əlavə etdi ki, hər şey mümkündür - istək və arzu ilə.