Vuçiç deyib ki, Putinlə danışıqlara hazırlaşmaq asan deyil

Serbiya prezidenti Aleksandr Vuçiç rusiyalı həmkarı Vladimir Putinlə danışıqlara hazırlaşmağın asan olmadığını deyib. Bu barədə Serbiyanın Blic qəzeti məlumat yayıb.

Siyasətçinin sözlərinə görə, onun Putinlə görüşlərinin mürəkkəbliyi iki ölkənin ölçülərinin fərqli olması ilə bağlıdır. Serbiya rəhbəri qeyd edib ki, Rusiya prezidenti ilə bir müddət danışmaq və “buna hazırlaşmaq asan deyil”.

"İnsanlar elə bilir ki, siz gəlib oturun və nə istəyirsiniz danışın. Bu belə deyil. Mən kiçik bir ölkəni təmsil edirəm və hər sözdə ölkəmizin mənafeyini düşünməliyəm ki, haradasa səhvim olmasın, hardasa ölkəmə zərər verməyim", - Vuçiç deyib.

Putin və Vuçiç arasında Pekində görüş çərşənbə axşamı, sentyabrın 2-də baş tutub. Danışıqlar bir saatdan çox davam edib. Görüş zamanı Rusiya dövlətinin başçısı bəyan edib ki, Rusiya Serbiyanın müstəqil kursuna hörmət edir. Serbiya lideri, öz növbəsində, Moskvaya Serbiya dövlətinin ərazi bütövlüyünün qorunub saxlanmasına verdiyi dəstəyə və serb xalqına dost münasibətinə görə minnətdarlığını bildirib.

Putin avqustun 31-də dördgünlük səfərlə Çində olacaq. Əvvəlcə o, Şanxay Əməkdaşlıq Təşkilatının (ŞƏT) Tyantszin şəhərində keçirilən sammitində iştirak edib, dünya liderləri ilə bir sıra görüşlər keçirib. Sentyabrın 2-də Pekində Xalq Məclisi Palatasında Rusiya prezidenti ilə Çin Xalq Respublikasının sədri Si Cinpin arasında görüş olub. Sentyabrın 3-də Putin militarist Yaponiya üzərində Qələbənin 80 illiyi və İkinci Dünya Müharibəsinin başa çatması şərəfinə keçirilən hərbi parada dəvət olunub.

Xəbər əlavə olunur.