Hakim “Qrajdanskiy dogovor” fraksiyasının rəhbəri Hayk Konjoryan Ermənistan hakimiyyətini siyasi təqibdə ittiham edən erməni müxalifətinin bəyanatlarını tənqid edib.
Ermənistanda heç bir siyasi təqib yoxdur, bu barədə parlamentin hakim “Qrahdanskiy doqovor” fraksiyasının rəhbəri Hayk Konjoryan bildirib.

Belə ki, o, partiya yoldaşlarına qarşı cinayət işini siyasi təqib kimi xarakterizə edən millətçi “Ermənistan” partiyasından olan deputatların açıqlamalarına cavab verib.

Konjoryan vurğulayıb ki, həbs olunan müxalifətçilər siyasi fəaliyyətdə deyil, tamamilə fərqli cinayətlərdə - Azərbaycanla sülh prosesini pozmaq məqsədi ilə terror aktı hazırlamaqda və silahlı çevrilişə cəhddə ittiham olunurlar. O, ağır cinayətlərdə ittiham olunan insanları müdafiə edərək, “köhnə mahnılar oxumağa” çalışan müxalifətin “tam iflasını” elan edib.

Siyasətçi xatırladıb ki, qondarma “siyasi məhbus”lar “terrorçuluq təşkil etməkdə, silahlı dövlət çevrilişinə açıq çağırışlar etməkdə, konstitusiya quruluşunu devirməyə cəhd etməkdə, avtobusları yandırmaqda və xaos yaratmaqda” ittiham olunurlar.

Konjoryan qeyd edib ki, əgər təqsirləndirilən şəxs terror aktı törətməyə nail olsaydı, o zaman 8 avqust hadisələri baş verməzdi, tərəflər sülh müqaviləsini paraflamazdılar, Azərbaycanla yolların açılması ilə bağlı bəyannamə imzalanmazdı. Belə ki, o, izah edib ki, təqsirləndirilən şəxslər dinc prosesi dayandırmağa və dövlət çevrilişinə cəhd edib. 

O, müxalifətin uğursuzluğa düçar olduğu qənaətinə gəlib və bəyan edib.

"Yaşasın Ermənistan Respublikası və yaşasın dünya!"