Makron: Fransa Fələstinin dövlətçiliyini rəsmən tanıdı

Fransa prezidenti Emmanuel Makron Birləşmiş Millətlər Təşkilatının (BMT) kürsüsündə Parisin Fələstinin dövlətçiliyini tanıması barədə bəyanatla çıxış edib.

BMT-nin Nyu-Yorkdakı mənzil-qərargahında Fələstin məsələsinə həsr olunmuş konfransda o, "Mən bu gün Fransanın Fələstin Dövlətini tanıdığını bəyan edirəm" dedi.

Siyasətçi çıxışında Fransanın Qəzza zolağında vəziyyətin sabitləşdirilməsi üzrə beynəlxalq missiyada iştirak etməyə hazır olduğunu da bildirib.

Bundan əvvəl “Politico” qəzeti yazıb ki, İsrail hakimiyyəti Fransa hökuməti tərəfindən Fələstinin dövlətçiliyinin mümkün tanınmasına sərt cavab verməyə hazırlaşır. Nəşrin məlumatına görə, dövlət İordan çayının qərb sahilinin ilhaqını sürətləndirə və Fransanın Qüdsdəki səfirliyini bağlaya bilər.

Bundan əlavə, qəzetin mənbələrinin qeyd etdiyi kimi, İsrail Fransaya məxsus obyektlər və ərazilərlə bağlı addımlar üzərində işləyir, məsələn, Müqəddəs Eleoniya.

Sentyabrın 21-də Portuqaliya, Kanada, Avstraliya və Böyük Britaniya Fələstinin dövlətçiliyini rəsmən tanıyıb.