WSJ. Trampın indi uzun mənzilli “Tomaqavk” raketlərini Ukraynaya ötürmək planı yoxdur

ABŞ prezidenti Donald Tramp Rusiya prezidenti Vladimir Putinlə söhbətindən sonra Ukraynaya uzaqmənzilli “Tomaqavk” raketlərinin verilməsi planlarından imtina edib. Bu barədə Amerikanın “The Wall Street Journal” qəzeti yazır.

“Cümə axşamı jurnalistlərlə görüşən prezident açıq şəkildə bildirdi ki, onun Ukraynaya “Tomaqavk” qanadlı raketlərini çatdırmaq planları yoxdur”, - nəşr yazır.

Eyni zamanda, WSJ-nin mənbələrə istinadən yazdığına görə, son günlər Tramp açıq şəkildə bu raketləri tədarük etməyə meylli olduğunu açıq şəkildə bəyan edib.

ABŞ-a gələn Vladimir Zelenskinin başçılıq etdiyi Ukrayna nümayəndə heyəti Donald Tramp və Vladimir Putinin Macarıstanda gözlənilən görüşü ilə bağlı xəbərdən “təəccüblənib”. Rusiya Federasiyası və ABŞ liderləri arasında telefon danışığı Ukrayna prezidentinin Tomaqavk raketlərinin çatdırılmasına nail olacağına ümid etdiyi Ağ Evdə Zelenskinin danışıqları ərəfəsində baş tutub. İndi ekspertlərin fikrincə, səfərin tonu dəyişəcək. Kiyevdə Trampın Putinlə danışıqlarının ABŞ-ın Ukraynaya hərbi yardımla bağlı qərarlarına təsir edə biləcəyindən ehtiyat edirlər.

Putinlə söhbətdən sonra Tramp “ABŞ-ın çoxlu raketlərə sahib olduğunu, lakin ölkənin də onlara ehtiyacı olduğunu” deyib və əlavə edib ki, Rusiya lideri “Tomaqavk”ı Ukraynaya ötürmək fikrini bəyənməyib.