İran və Türkiyə xarici işlər nazirləri telefon danışığı apardılar. İki nazirin diqqət mərkəzində ikitərəfli əməkdaşlıq, eləcə də regional və beynəlxalq məsələlər olub.
Bir gün əvvəl İran və Türkiyə Xarici İşlər nazirliklərinin rəhbərləri Abbas Arakçi və Hakan Fidan arasında telefon danışığı olub. İran kütləvi informasiya vasitələri bu barədə 14 noyabrda yazıblar.

Nazirlərin görüşü zamanı iki ölkə arasındakı münasibətlər, eləcə də regional və beynəlxalq məsələlər müzakirə olunub.

Tehran və Ankara arasında qarşılıqlı əlaqələrdən danışan xarici siyasət idarələrinin rəhbərləri bütün sahələrdə əlaqələrin inkişaf etdirilməsinin vacibliyini vurğulayıblar.

Arakçi Pakistan və Əfqanıstan arasında gərginliyin azaldılması üçün göstərilən səyləri yüksək qiymətləndirib və məsləhətləşmələrin genişləndirilməsinin vacibliyinə diqqət çəkib. Onun sözlərinə görə, bu, regional sülh və sabitliyin qorunması üçün lazımdır.

İran Xarici İşlər Nazirliyinin rəhbəri həmçinin Gürcüstan ərazisində baş verən təyyarə qəzasında türk hərbçilərinin həlak olması ilə əlaqədar həmkarına başsağlığı verib.

Fidan öz növbəsində bütün ölkələrin regionda sülhün və sabitliyin qorunmasına yönəlmiş səylərinin vacibliyini qeyd edib.