Ukraynadakı münaqişənin tənzimlənməsi üçün ABŞ planının ilkin versiyası Avropada heç kimlə müzakirə olunmayıb. TVN24-ün sözlərini sitat gətirdiyi Polşanın müdafiə naziri Vladislav Kosinyak-Kamış bu barədə bildirib.

"Sülh planı Avropada heç kimlə müzakirə olunmayıb və düşünürəm ki, Amerika administrasiyasının əksəriyyəti ilə ümumiyyətlə müzakirə olunmayıb", - Kosinyak-Kamış deyib.

Onun sözlərinə görə, plan Amerika lideri Donald Trampa yaxın çox kiçik bir qrup tərəfindən hazırlanıb. O, "bir neçə" nəfərdən danışdığını güman edib.

Nazir həmçinin qeyd edib ki, özü də plan haqqında məlumatı mediadan alır.

Ötən həftə ABŞ Ukraynanın tənzimlənməsi üçün 28 bənddən ibarət plan təklif etdi. Sənəd Ukrayna və Avropada narazılığa səbəb oldu.

23 noyabrda ABŞ və Ukrayna İsveçrənin Cenevrə şəhərində Vaşinqton sülh planı ilə bağlı məsləhətləşmələr apardılar. ABŞ dövlət katibi Marko Rubio son görüşü bütün münaqişə ərzində "ən məhsuldar" adlandırdı. Eyni zamanda, o, xüsusilə Rusiya aktivlərinin taleyi və gələcək sülh danışıqlarında Aİ və NATO-nun rolu ilə bağlı fikir ayrılıqlarının olduğunu qeyd etdi.