Azərbaycan Respublikası Milli Məclisinin 2025-ci il 2 və 3 dekabr tarixlərində keçirilməsi nəzərdə tutulan iclaslarının gündəliyinə daxil ediləcək məsələlər məlum olub.

Gündəliyə bir sıra mühüm qanun layihələrinin ikinci oxunuşda müzakirəsi daxildir. İclaslarda ölkənin sosial-iqtisadi inkişaf istiqamətlərinə təsir edən əsas sənədlər – büdcə paketinə daxil olan layihələr və bir sıra sistem xarakterli qanun dəyişiklikləri nəzərdən keçiriləcək.

Gündəliyə daxil edilən məsələlər aşağıdakılardır:

1. “Azərbaycan Respublikasının 2026-cı il dövlət büdcəsi haqqında” qanun layihəsi (ikinci oxunuş).


2. “Dövlət Sosial Müdafiə Fondunun 2026-cı il büdcəsi haqqında” qanun layihəsi (ikinci oxunuş).


3. “İşsizlikdən sığorta fondunun 2026-cı il büdcəsi haqqında” qanun layihəsi (ikinci oxunuş).


4. “Azərbaycan Respublikasında 2026-cı il üçün yaşayış minimumu haqqında” qanun layihəsi (ikinci oxunuş).


5. “Azərbaycan Respublikasında 2026-cı il üçün ehtiyac meyarının həddi haqqında” qanun layihəsi (ikinci oxunuş).


6. Vergi Məcəlləsi və aşağıdakı qanunlara dəyişiklik edilməsi barədə qanun layihəsi (ikinci oxunuş):

“Azərbaycan Respublikası Milli Məclisi deputatının statusu haqqında”

“Sosial sığorta haqqında”

“Hərbi qulluqçuların dövlət icbari şəxsi sığortası haqqında”

“Məhkəmə və hüquq-mühafizə orqanları işçilərinin dövlət icbari şəxsi sığortası haqqında”

“Tibbi sığorta haqqında”

“Dövlət rüsumu haqqında”

“Şəkərli diabet xəstəliyinə tutulmuş şəxslərə dövlət qayğısı haqqında”

“Diplomatik xidmət orqanı əməkdaşlarının dövlət icbari şəxsi sığortası haqqında”

“Hemofiliya və talassemiya xəstəliklərinə düçar olmuş şəxslərə dövlət qayğısı haqqında”

“Sığorta fəaliyyəti haqqında”

“İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında”

“Dağınıq skleroz xəstəliyinə tutulmuş şəxslərə dövlət qayğısı haqqında”

“Uşaqların icbari dispanserizasiyası haqqında”

“Gömrük tarifi haqqında”

“Nağdsız hesablaşmalar haqqında”

“Əlilliyi olan şəxslərin hüquqları haqqında”

Qeyd edək ki, bu sənədlər ölkənin növbəti il üzrə sosial müdafiə, iqtisadi sabitlik, maliyyə idarəçiliyi və sosial təminat mexanizmlərinin təkmilləşdirilməsi baxımından xüsusi əhəmiyyət daşıyır. İclaslarda layihələrin ikinci oxunuş üzrə müzakirəsi aparılacaq və təsdiq edilməsi nəzərdə tutulur.