Amerika hakimiyyəti Rusiyanın "LUKOIL"-ın İraqın "Zapadnaya Kurna-2" yatağındakı payının ABŞ-dan istənilən şirkətə mümkün transferinin tərəfdarıdır.
Bloomberg agentliyi ABŞ Dövlət Departamentinin nümayəndəsinə istinadən xəbər verir ki, Vaşinqton sanksiya tətbiq edilmiş LUKOIL-ın Zapadnaya Kurna-2 yatağındakı payını Amerika operatoruna ötürmək imkanını yüksək qiymətləndirir.

Diplomat həmçinin ABŞ-ın İraqdakı Amerika şirkətlərinin maraqlarını təşviq etməyə davam edəcəyinə əminlik bildirib.

Xatırladırıq ki, "LUKOIL" şirkəti Böyük Britaniyanın, daha sonra isə ABŞ-ın sanksiya siyahısına daxil edildikdən sonra aktivlərini satmağa başlayıb. Əvvəlcə İsveçrəli treyder Gunvor "LUKOIL"-ın xarici aktivlərinin sahibi olan Lukoil International GmbH (LIG) şirkətini almaq istəyi barədə məlumat vermişdi, lakin ABŞ Maliyyə Nazirliyi şirkətə əməliyyatı başa çatdırmaqdan imtina etmişdi.