ABŞ Prezidenti Donald Tramp çıxışında Amerika ordusunu dünyanın ən güclü ordusu adlandırdı. Onun sözləri TASS-a istinadən bildirilir.

"İndi dünyanın ən güclü ordusuna sahibik və bu, danılmazdır. Mən Amerika gücünü bərpa etdim, 10 ayda səkkiz müharibəni tənzimlədim", - deyə o bildirib.

Ağ Ev rəhbərinin sözlərinə görə, Qəzza zolağındakı müharibəyə bu dövrdə onun səyləri ilə son qoyulub. Siyasətçi həmçinin qeyd edib ki, girovların ikitərəfli azad edilməsinə nail olub.

Amerika lideri həmçinin Milad bayramı ərəfəsində (25 dekabr) ABŞ-ın doğum günü münasibətilə 1,45 milyon hərbçinin 1776 dollar məbləğində hərbi mükafat alacağını açıqlayıb. Tramp vurğulayıb ki, cari ildə ABŞ ordusunda əsgər sayı rekord qırıb, əvvəlki il isə ölkə tarixində ən pis göstəricilərdən birini göstərib.

Noyabrın 5-də Ağ Evin sahibi ölkəsinin hərbi münaqişələrin həllində maraqlı olmadığını bildirib. Eyni zamanda, o, "dünyanın ən güclüsü" kimi tanınan Amerika silahlı qüvvələrini "gücləndirdiyini" qeyd edib.