İranın xarici işlər naziri Abbas Araqçi bəyan edib ki, ABŞ-ı Tehranla müharibəyə sürükləməyə çalışan qüvvələr mövcuddur və bu cəhdlər İsrailin maraqlarına xidmət edir. Bu barədə Gazeta.ru məlumat yayıb.
Nazirin sözlərinə görə, əgər Vaşinqton hərbi ssenariyə üstünlük vermək qərarına gələrsə, İran buna hazırdır. Araqçi vurğulayıb ki, hazırda İslam Respublikasının hərbi imkanları əvvəlki dövrlərlə müqayisədə əhəmiyyətli dərəcədə güclənib.