ABŞ Ticarət və İnkişaf Agentliyinin (USTDA) Yaxın Şərq, Şimali Afrika, Avropa və Avrasiya üzrə regional direktoru Karl Kressin rəhbərlik etdiyi ABŞ nümayəndə heyəti Azərbaycana səfər edib.
ABŞ səfirliyinin məlumatına görə, nümayəndə heyəti səfər çərçivəsində Bakıdan Ermənistana yollanacaq. ABŞ nümayəndə heyəti yanvarın 13-də Bakıda Azərbaycan xarici işlər nazirinin müavini Elnur Məmmədov tərəfindən qəbul edilib.
Görüş zamanı “Beynəlxalq Sülh və Rifah üçün Tramp Marşrutu” (TRIPP) layihəsinin həyata keçirilməsi perspektivləri ətrafında fikir mübadiləsi aparılıb. Tərəflər regional əməkdaşlıq, nəqliyyat və iqtisadi əlaqələrin inkişafı baxımından layihənin mümkün töhfələrini müzakirə ediblər.