Milli Məclisin nümayəndə heyəti Meksikada işgüzar səfərdədir

Milli Məclisin nümayəndə heyəti Meksika Birləşmiş Ştatlarında işgüzar səfərdədir. Səfər çərçivəsində nümayəndə heyəti Meksika Deputatlar Palatasının sədri Kenia López Rabadán ilə görüş keçirib.

Görüş səmimi və konstruktiv mühitdə baş tutub. Tərəflər qarşılıqlı maraq doğuran məsələlər ətrafında fikir mübadiləsi aparıb, parlamentlərarası dialoqun və əməkdaşlığın genişləndirilməsi imkanlarını müzakirə ediblər.

Görüş zamanı Azərbaycan ilə Meksika arasında qanunverici orqanlar səviyyəsində əlaqələrin inkişafının vacibliyi vurğulanıb, gələcək əməkdaşlıq perspektivləri diqqət mərkəzində olub.