Politoloq Ülkər Piriyeva

Bakı, 8 fevral — Azadmedia.az

“Prezident İlham Əliyev - Qlobal sülh gündəliyində söz sahibi olan lider və beynəlxalq siyasi nüfuzun təntənəsi”

Hazırda, müasir beynəlxalq münasibətlər sistemində liderlərin dəyəri təkcə milli maraqları qorumaq bacarığı ilə deyil, eyni zamanda qlobal sabitliyə, sülhə və xalqlar arasında qarşılıqlı etimada verdiyi töhfələrlə ölçülür. Bu baxımdan Azərbaycan Respublikasının Prezidenti İlham Əliyevin son illərdə əldə etdiyi siyasi uğurlar, artan beynəlxalq nüfuzu və nüfuzlu qlobal mükafatlarla təltif olunması ölkəmizin dünya siyasətində tutduğu mövqenin aydın göstəricisidir.

Dövlətçilikdən qlobal liderliyə uzanan siyasi xətt

Bəli, bu gün Prezident İlham Əliyevin rəhbərliyi altında Azərbaycan müstəqil, prinsipial və balanslı xarici siyasət yürüdərək regionun əsas siyasi aktoruna çevrilib. Post-münaqişə mərhələsində dövlət başçısının ortaya qoyduğu siyasi iradə, real gücə söykənən, lakin dialoq və diplomatiyanı önə çıxaran yanaşma beynəlxalq ictimaiyyət tərəfindən diqqətlə izlənir və yüksək qiymətləndirilir.

Əlbətdə ki, Azərbaycan artıq yalnız regional proseslərin iştirakçısı deyil, eyni zamanda beynəlxalq təhlükəsizlik, enerji, nəqliyyat və humanitar gündəliklərdə etibarlı tərəfdaş kimi qəbul olunur. Bu siyasi xətt Prezident İlham Əliyevin strateji baxışının və liderlik keyfiyyətlərinin nəticəsidir.

“Zayed İnsan Qardaşlığı Mükafatı”: qlobal sülhün simvolu

Hesab edirəm ki, Prezident İlham Əliyevin “Zayed İnsan Qardaşlığı Mükafatı”na layiq görülməsi sıradan diplomatik hadisə deyil, qlobal siyasi və humanitar məna daşıyan tarixi fakt kimi dəyərləndirilməlidir. Bu mükafat müasir dünyada nadir hallarda təqdim olunan və yalnız beynəlxalq sülhə, dinlərarası dialoqa, mədəniyyətlərarası anlayışa real töhfə verən liderlərə nəsib olan ali nüfuz göstəricisidir.

“Zayed İnsan Qardaşlığı Mükafatı” dünyada:
- sivilizasiyalararası qarşıdurmaların artdığı,
- geosiyasi gərginliklərin dərinləşdiyi,
- dini və etnik zəmində parçalanmaların gücləndiyi bir dövrdə
barış, dialoq və humanizm ideyalarını qlobal siyasi dəyər kimi önə çıxaran nadir platformalardan biridir.

Bəli, bu “mükafat”, faktiki olaraq, güc siyasəti ilə humanitar məsuliyyət arasında tarazlıq yarada bilən liderlərin tanınması deməkdir. Prezident İlham Əliyevin bu mükafata layiq görülməsi isə onun yalnız milli maraqları qoruyan dövlət başçısı deyil, qlobal sülh düşüncəsinə malik siyasi lider kimi qəbul edildiyini təsdiqləyir.


Məhz bu yanaşma Azərbaycanın beynəlxalq arenada etimad qazanan tərəfdaş kimi mövqeyini möhkəmləndirib. Körfəz ölkələri, xüsusilə Birləşmiş Ərəb Əmirlikləri və Səudiyyə Ərəbistanı ilə inkişaf edən münasibətlər də Prezident İlham Əliyevin İslam dünyasında və qlobal Cənubda artan siyasi çəkisinin göstəricisidir.

Siyasi nəticə və strateji mesaj

Prezident İlham Əliyevin “Zayed İnsan Qardaşlığı Mükafatı” ilə təltif olunması bir daha sübut edir ki, Azərbaycan artıq beynəlxalq proseslərin kənar müşahidəçisi deyil, qlobal sülh və təhlükəsizlik gündəliyinə təsir göstərən fəal aktordur.

Bu mükafat, əslində:
- Azərbaycan dövlətçiliyinə,
- müstəqil və prinsipial xarici siyasətə,
- regional sabitliyə verdiyi töhfəyə
verilən beynəlxalq qiymətdir.

Xüsusilə də qeyd etmək yerinə düşərdi ki, Prezident İlham Əliyevin siyasi uğurları və beynəlxalq müstəvidə qazandığı nüfuz, Azərbaycanın uzunmüddətli strateji kursunun düzgünlüyünü təsdiqləyir və ölkəmizin qlobal sülh, təhlükəsizlik və əməkdaşlıq gündəliyində mövqeyinin daha da möhkəmləndiyini göstərir.