Peyk görüntüləri göstərir ki, Tehran ölkəni mümkün hücuma hazırlayır: nüvə obyektlərinin və mühüm infrastrukturun bərpası və möhkəmləndirilməsi istiqamətində işlər aparılır.
İranda, Bloomberg-in peyk görüntülərinə istinadən verdiyi məlumata görə, ABŞ tərəfindən ölkəyə qarşı mümkün yeni hücum gözləntisi ilə Fordo, Nətənz və İsfahan nüvə obyektlərinin infrastrukturunun bərpası və möhkəmləndirilməsi ilə məşğuldurlar.
"Peyk şəkilləri belə ehtimal etməyə əsas verir ki, Pentaqon öz əsas imkanlarını və nüvə potensialını qorumağa köklənmiş bir rəqiblə qarşılaşmalı olacaq. Fevral ayında çəkilmiş fotoşəkillər göstərir ki, iranlı mühəndislər zədələnmiş nüvə obyektlərindəki dağıntıları təmizləyir, eyni zamanda gələcək hücumlara qarşı əsas obyektləri gücləndirirlər" – Bloomberg yazıb.
Agentliyin məlumatına görə, İran ərazisində geniş və şaxələnmiş, qismən gizli obyektlər şəbəkəsi mövcuddur. Bundan əlavə, İranın mürəkkəb landşaftı və nüvə obyektlərinin bir nöqtədə cəmləşməməsi ABŞ üçün problemə çevrilə bilər.