ABŞ-ın sabiq prezidenti Donald Trampın İranla mümkün qarşıdurma zamanı nüvə silahından istifadə edib-etməyəcəyi ilə bağlı yeni açıqlamalar verilib.
Amerikalı politoloq Qriqori Yarıgin bildirib ki, Vaşinqton yalnız İran tərəfindən ABŞ ərazisinə qarşı “qaçılmaz və açıq təhlükə” yarandığı halda belə bir addım ata bilər. Onun sözlərinə görə, bu təhlükə kütləvi qırğın silahlarının tətbiqi ehtimalı ilə bağlı olmalıdır.
Ekspert qeyd edib ki, ABŞ ümumilikdə milli təhlükəsizliyə ciddi və birbaşa təhdid olmadan nüvə silahından ikinci dəfə istifadə etməyə hazır deyil. O vurğulayıb ki, hazırda Yaxın Şərqdəki vəziyyət belə bir addım üçün əsas yaratmır.
Yarıgin əlavə edib ki, mümkün təhlükə miqyas və təsir baxımından 11 sentyabr hadisələri ilə müqayisə oluna biləcək səviyyədə olmalıdır. Yalnız bu halda nüvə silahının tətbiqi gündəmə gələ bilər.
Politoloqun fikrincə, nüvə silahından istifadə yalnız ABŞ ərazisinə qarşı kütləvi qırğın silahı tətbiq edildiyi halda cavab addımı kimi mümkündür.
Eyni zamanda o bildirib ki, hazırkı şəraitdə ABŞ-ın İrana qarşı nüvə silahından istifadə etməsi üçün zəruri şərtlər mövcud deyil.
Qeyd edək ki, martın 16-da ABŞ Konqresinin keçmiş spikeri Nyut Gingriç Hörmüz boğazının bağlanması ilə bağlı problemi nüvə silahı vasitəsilə həll etməyi təklif edib. O, bir neçə termonüvə partlayışı ilə yeni su yolunun yaradıla biləcəyini iddia edib.