ABŞ mediası yazır ki, Vaşinqton tərəfdaş ölkələrin xahişi ilə Rusiya neftinə qarşı tətbiq olunan məhdudiyyətlərin müvəqqəti yumşaldılmasını uzadıb. Politico nəşrinin mənbələrə istinadən verdiyi məlumata görə, ABŞ bu addımı məhz tərəfdaş ölkələrin müraciətindən sonra atıb.
Mənbənin sözlərinə görə, “sanksiyaların yumşaldılmasının uzadılması qərarı tərəfdaş ölkələrin xahişinə cavab olub”.
Bununla belə, mənbə hansı ölkələrin nəzərdə tutulduğunu açıqlamayıb.
Xatırladaq ki, daha əvvəl ABŞ Maliyyə Nazirliyi Rusiya neftinin satışına icazə verən lisenziyanı yeniləmişdi və bu icazənin 16 may tarixinədək qüvvədə olacağı bildirilmişdi.