Donald Tramp bildirib ki, Çin Prezidenti Si Cinpin ABŞ-ı “geriləyən ölkə” adlandıranda Bayden dövrünü nəzərdə tuturdu. Trampın sözlərinə görə, həmin illərdə ölkə açıq sərhədlər, yüksək vergilər, cinayətkarlıq və uğursuz siyasətlər səbəbindən zəifləyib.
O deyib ki, son 16 ayda isə ABŞ yenidən güclənib, iqtisadiyyat böyüyüb, iş yerləri artıb və ölkəyə rekord həcmdə investisiya yatırılıb. Tramp həmçinin bildirib ki, Si Cinpin onu qısa müddətdə əldə etdiyi uğurlara görə təbrik edib.
Sonda Tramp qeyd edib ki, hazırda ABŞ dünyanın ən güclü ölkələrindən biridir və Çinlə münasibətlərin daha da yaxşılaşacağını ümid edir.