Ermənistanın Baş naziri Nikol Paşinyan bildirib ki, İrəvan Moskva ilə münasibətləri “sakit və əsəbsiz” şəkildə inkişaf etdirməyə davam edəcək.

Paşinyanın sözlərinə görə, Ermənistan bütün məsələlər üzrə Rusiya tərəfi ilə dialoqa hazırdır və problemlərin həlli üçün əməkdaşlığı davam etdirəcək.

O, həmçinin vurğulayıb ki, Avrasiya İqtisadi İttifaqından çıxmaq planları yoxdur. Baş nazir qeyd edib ki, Ermənistan təşkilat daxilində öz iqtisadi maraqlarını qorumaq üçün bütün imkanlardan istifadə edəcək.

Paşinyan əlavə edib ki, ölkə paralel olaraq xarici əlaqələrin genişləndirilməsi siyasətini də davam etdirəcək.