İran və ABŞ arasında aparılan hazırkı danışıqlarda İranın nüvə proqramı mövzusu müzakirə edilmir.

Bu barədə Esmail Baghaei məlumat verib. O, bununla ABŞ Prezidenti Donald Trumpın danışıqlarda nüvə proqramının da müzakirə olunduğu barədə açıqlamalarına münasibət bildirib.

İran XİN nümayəndəsinin sözlərinə görə, tərəflər hazırda əsas diqqəti müharibənin dayandırılması məsələsinə yönəldiblər.

“Zənginləşdirmə proqramı və ya mövcud zənginləşdirilmiş uran ehtiyatları ilə bağlı hər hansı detallı müzakirələr aparılmır”, – deyə Baqai vurğulayıb.

O əlavə edib ki, tərəflər arasında hələ də mesaj mübadiləsi davam edir və mümkün razılaşmanın mətni yekun şəkildə təsdiqlənməyib.