ABŞ Prezidenti Donald Tramp administrasiyası Türkiyəyə onlarla reaktiv mühərrikin satışına icazə verməyi planlaşdırır. Reuters agentliyinin məlumatına görə, sövdələşmənin ümumi dəyəri 700 milyon ABŞ dollarını ötə bilər.

Məlumata əsasən, Türkiyə ABŞ-ın General Electric şirkətinin istehsalı olan reaktiv mühərrikləri əldə edə bilər. Bu mühərriklərin 2016-cı ildən hazırlanması davam edən Türkiyənin ilk milli döyüş təyyarəsi KAAN-da quraşdırılması nəzərdə tutulur.

Mənbələrdən birinin sözlərinə görə, mühərriklərin tədarükünün dəyəri 700 milyon dollardan artıq ola bilər.

Bununla yanaşı, ABŞ Konqresinin bu sövdələşməyə etiraz etdiyi bildirilir. Məsələ xüsusilə iyulun 7–8-də Ankarada keçiriləcək NATO sammiti ərəfəsində mühüm əhəmiyyət daşıyır.