İran və ABŞ arasında danışıqların vasitəçilərin iştirakı ilə hazırda da davam etdiyi bildirilir. Danışıqların qapalı formatda aparıldığı qeyd olunur.

İran və ABŞ demək olar ki, fasiləsiz şəkildə qapalı formatda danışıqlar aparır. Bunu Pakistanın Moskvadakı səfiri Faysal Niyaz Tirmizi bildirib.

Onun sözlərinə görə, məsələnin nizamlanması ilə bağlı məsləhətləşmələr hazırda da davam edir və artıq müəyyən irəliləyiş əldə olunub.

Lakin TASS-ın yazdığına görə, səfir İran və ABŞ nümayəndə heyətlərinin İslamabadda görüşüb-görüşmədiyi barədə suala münasibət bildirməyib.

Tirmizi qeyd edib ki, “bu, ictimaiyyətə açıqlanmayan məlumatdır, lakin vasitəçilər bu istiqamətdə iş aparırlar”.