Gürcüstanın Baş naziri İrakli Kobaxidze Azərbaycanın bu ölkədəki səfiri Faiq Quliyevlə görüşüb.

Gürcüstan hökumətinin mətbuat xidmətinin məlumatına görə, görüşdə Azərbaycan-Gürcüstan strateji tərəfdaşlığının yüksək səviyyəsi qeyd olunub.

Tərəflər iki ölkə arasında əlaqələrin daha da inkişaf etdirilməsi perspektivlərini müzakirə ediblər.

Qeyd edək ki, Gürcüstanın Baş naziri daha əvvəl Tbilisi, Bakı və Ankara arasında əlaqələrin gücləndirilməsinin vacibliyini vurğulayıb və ölkələr arasında təmasların inkişafında müsbət dinamikanın olduğunu bildirib.