Kremlin sözçüsü Dmitri Peskov bildirib ki, Türkiyə Ukrayna münaqişəsinin nizamlanması ilə bağlı mütəmadi olaraq müxtəlif səviyyələrdə məsləhətləşmələrin keçirilməsini təklif edir.
Peskovun sözlərinə görə, Ankara bu istiqamətdə təklifləri müxtəlif səviyyələrdə irəli sürür.
“Bəli, Türkiyə tərəfi bunu daim müxtəlif səviyyələrdə təklif edir”, – deyə Dmitri Peskov “Vedomosti” qəzetinə açıqlamasında bildirib.
Bundan əvvəl mediada Türkiyənin Rusiya və Ukrayna ilə Qara dənizdə təhlükəsizlik məsələləri ilə bağlı təşəbbüsləri müzakirə etməyə hazır olduğu barədə məlumat yayılmışdı. Ankara həmçinin ərzaq təhlükəsizliyi çərçivəsində taxıl dəhlizinin təşkili ilə bağlı danışıqlara hazır olduğunu açıqlayıb.