Qarabağ və Şərqi Zəngəzurda həyata keçirilən bərpa və quruculuq işləri davam edir.

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev diplomatik korpusun nümayəndələri ilə Qarabağa səfəri zamanı bölgədə gedən proseslərlə bağlı fikirlərini bölüşüb.

Hacıyev “X” hesabında yazıb ki, son altı ildə Qarabağ və Şərqi Zəngəzurda genişmiqyaslı transformasiya baş verib.

“Biz son altı il ərzində Qarabağ və Şərqi Zəngəzurun gözlərimiz önündə möhtəşəm və nümunəvi transformasiyasının şahidi olmuşuq. Bu gün həmin torpaqlar əsl dirçəliş dövrünü yaşayır”, – deyə o bildirib.

Prezidentin köməkçisi qeyd edib ki, diplomatik korpusun nümayəndələri ilə Qarabağa təşkil olunan səfər 22-ci dəfədir.

Onun sözlərinə görə, hər səfər bölgədə bərpa-quruculuq istiqamətində görülən işlərin nəticələrini və yaşayışın yenidən canlanmasını müşahidə etməyə imkan verir.