Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Birləşmiş Ərəb Əmirliklərində keçirilən Ərəb Media Forumu ilə bağlı paylaşım edib.

Hacıyev BƏƏ Milli Media Ofisinin sədri Abdullah Əlhamədə forumda iştiraka dəvət etdiyinə görə təşəkkür edib.

“Hörmətli Dr. Abdullah Əlhaməd, Ərəb Media Forumuna dəvətinizə görə təşəkkür edir və bu mühüm tədbiri yüksək səviyyədə təşkil etdiyiniz üçün sizi təbrik edirəm”, - deyə o bildirib.

Hikmət Hacıyev Azərbaycanla BƏƏ arasında strateji tərəfdaşlığın, xüsusilə media və kommunikasiya sahəsində əməkdaşlığın inkişafı ilə bağlı müzakirələri yüksək qiymətləndirdiyini vurğulayıb.