Azərbaycan Prezidenti İlham Əliyev ölkənin Şərq-Qərb və Şimal-Cənub nəqliyyat dəhlizlərində rolunu vurğulayıb.

Dövlət başçısı bu barədə II Azərbaycan Beynəlxalq İnvestisiya Forumu çərçivəsində keçirilən tədbirdə danışıb.

“Azərbaycan vasitəsilə daşımaları həyata keçirən təchizatçılar, eyni zamanda, bərədən, yəni Xəzər dənizi üzərindən bərədən istifadə etməlidirlər”, - deyə Prezident bildirib.

İlham Əliyev qeyd edib ki, hər iki istiqamətdə hərəkət etmək istəyənlər Azərbaycanı seçməlidirlər.

“Biz doğrudan da qovşağıq. Bu, çox önəmli iki dəhlizdir. Azərbaycan azsaylı ölkələrdəndir ki, hər iki dəhlizin fəal iştirakçısıdır”, - deyə dövlət başçısı əlavə edib.