“Belələri Azərbaycana gətirilməlidir”

Deputat Siyavuş Novruzov Milli Məclisin payız sessiyasının ilk plenar iclasında İlqar Hacıyevin fəaliyyətinə dair fikirlər səsləndirib.

O bildirib ki, İ.Hacıyev hazırda ABŞ-nin Kaliforniya ştatında yaşayır və Azərbaycan əleyhinə çıxışlar edir.

“Vaxtilə “Akkord”u dağıdıb, oradan pul oğurlayıb vergidən yayınan İlqar Hacıyev var. Erməni kilsəsində oturub moizə oxuyur”, – deyə S.Novruzov bildirib.

Deputat qeyd edib ki, bu şəxslərin Azərbaycana gətirilməsi və hüquqi müstəvidə məsuliyyətə cəlb olunması təmin edilməlidir.

“Onlar hüququn, qanunun aliliyi ilə öz cəzalarına çatmalıdır ki, başqalarına nümunə olsun”, – deyə deputat əlavə edib.