Kanal tədbirdən eksklüziv görüntülər təqdim edib

“Euronews” telekanalı Bakıda keçirilən Təhlükəsizlik Forumundan reportaj hazırlayıb və tədbirdən eksklüziv görüntülər yayımlayıb.

Reportajda qeyd olunub ki, Bakı Təhlükəsizlik Forumu terrorizmlə mübarizə və beynəlxalq əməkdaşlığın genişləndirilməsi məsələlərini müzakirə etmək məqsədilə müxtəlif ölkələrin təhlükəsizlik və kəşfiyyat rəsmilərini bir araya gətirib.

Bildirilib ki, təhlükəsizlik təhdidlərinin milli sərhədləri aşması terrorizm, kibertəhlükələr və digər çağırışlarla mübarizədə beynəlxalq əməkdaşlığın əhəmiyyətini artırır.

Reportajda iştirakçıların terrorizmə qarşı mübarizə, kibertəhlükələr, eləcə də terror şəbəkələrinin texnologiyalardan istifadəsi və sərhədlərarası fəaliyyəti barədə fikir mübadiləsi apardıqları vurğulanıb.

Həmçinin Azərbaycanın beynəlxalq sülh və təhlükəsizliyin, qarşılıqlı etimadın və əməkdaşlığın möhkəmləndirilməsini əsas prioritetlərdən biri kimi müəyyən etdiyi qeyd olunub.

[video=]