XİN-dən Türk Dövlətlərinin Əməkdaşlıq Günü ilə bağlı paylaşım

Azərbaycan qardaş türk dövlətləri ilə birlikdə Türk dünyasının birliyinin və həmrəyliyinin möhkəmləndirilməsinə çalışır.

Bu barədə Azərbaycan XİN-in Türk Dövlətlərinin Əməkdaşlıq Günü münasibətilə “X” hesabında paylaşdığı məlumatda bildirilib.

Nazirlik qeyd edib ki, Naxçıvan Sazişi əsasında yaradılan Türk Dövlətləri Təşkilatı ortaq kök, dil, tarix və mədəni dəyərlərə malik dövlətlər arasında strateji tərəfdaşlığın mühüm rəmzidir.

Paylaşımda Azərbaycanın əməkdaşlığın genişləndirilməsinə və ortaq gələcəyin gücləndirilməsinə sadiq olduğu vurğulanıb.