Fransa Prezidenti Emmanuel Makron Azərbaycan Prezidenti İlham Əliyevlə telefon danışığında 2020-ci il 9 noyabr tarixli atəşkəs razılaşmasına əməl etməyə və Laçın dəhlizi ilə sərbəst hərəkəti təmin etməyə çağırıb.

“Fransa prezidenti Cənubi Qafqazda gərginliyin bərpasından dərin narahatlığını bildirib. Azadmedia.az xəbər verir ki, bu barədə TASS Yelisey sarayının bəyanatına istinadən məlumat yayıb.

“Prezident Əliyev dəhliz boyu sərbəst hərəkətin təmin edilməsinə nəzarət etmək niyyətində olduğunu bəyan edib”, - Yelisey Sarayından əlavə ediblər.

Makron administrasiyası qeyd edib ki, “hər iki prezident regionda uzunmüddətli siyasi həll yolu tapmaq üçün digər tərəflərlə birlikdə danışıqları davam etdirməyə razılaşıb”.

Xankəndi və Laçın dəhlizinin blokadası haqqında

Dekabrın 12-si səhər saatlarından etibarən Xankəndini Ermənistanla birləşdirən yeganə yol olan Xankəndi-Gorus avtomobil yolu Azərbaycan tərəfi tərəfindən “ekoloji səbəblərə görə” tamamilə bağlı qalır.
Hazırda əhali resurslara, ərzaq məhsullarına, dərman vasitələrinə və digər həyati əhəmiyyətli mallara qənaət rejimində yaşayır.