Türkiyənin müdafiə naziri Hulusi Akar Parisdə Kürdüstan Fəhlə Partiyasının tərəfdarlarının iştirak etdiyi iğtişaşlara münasibət bildirib. Azadmedia.az xəbər verir ki, polislə toqquşmalarda PKK radikalları fərqlənib.

“Fransızların qidalandırdığı ilan özünü sancmağa başladı. İndi hər kəs bu terror təşkilatının əsl üzünü görməlidir”, - deyə Hulusi Akar bildirib.
Xatırladaq ki, dekabrın 24-də Parisdə kürd icmasının mitinqi iğtişaşlara çevrilib. Aksiya Kürd mədəniyyət mərkəzinə gələnlərin vəhşicəsinə öldürülməsinə etiraz olaraq təşkil edilib.

İğtişaşlar zamanı ziyan vurduğuna görə 11 nəfər saxlanılıb, 31 polis əməkdaşı və bir nümayişçi yüngül xəsarət alıb.