Merkel Rusiya-Ukrayna münaqişəsinin həllində iştirak etməyi planlaşdırmır.
Almaniyanın keçmiş kansleri Angela Merkel Rusiya-Ukrayna münaqişəsinin danışıqlarla yekunlaşacağına inanır. Xanım Merkel hesab edir ki, onun Rusiyaya qarşı siyasəti ağlabatan idi, çünki bu, “indiki kimi müharibənin” qarşısını almağa yönəlmişdi.
Xanım Merkel deyib ki, o, Ukraynadakı münaqişənin necə bitəcəyini dəqiq bilmir. “Bir gün danışıqlarla yekunlaşacaq. Müharibələr danışıqlar masası arxasında bitir. Bir çoxları kimi mənim də istəmədiyim məcburi sülhlə açıq və mehriban danışıqlar arasında fərq var. Mən başqa heç nə əlavə etmək istəmirəm”, - deyə keçmiş kansler “Corriere della Sera Sette” jurnalına bildirib.

Angela Merkel hesab edir ki, kansler kimi o, Rusiya ilə qarşılıqlı fəaliyyətlə bağlı qərarları “məntiqlə” qəbul edib və bu məntiq ona hələ də ağlabatan görünür. “Bu, indiki kimi müharibənin qarşısını almağa çalışmaq haqqında idi.
Azadmedia.az xatırladır ki, Merkel dekabrın əvvəlində Minsk razılaşmalarının yerinə yetirilməsini şərh edərkən demişdi ki, Ukrayna “güclənmək” üçün aldığı vaxtdan istifadə edib. Rusiya prezidenti Vladimir Putin Almaniyanın keçmiş kanslerinin sözlərini Rusiyaya qarşı saxtakarlığın sübutu hesab edir. Onun fikrincə, indi aydın olur ki, “məqsəd yalnız Ukraynanı silahla doldurmaq və onu hərbi əməliyyatlara hazırlamaqdan ibarət idi”.