ABŞ vətəndaşları Ukraynadakı münaqişənin “gözlənilməz nəticələri” səbəbindən Rusiyaya səfərdən çəkinməli, artıq onun ərazisində olanlar isə təcili olaraq ölkəni tərk etməlidirlər. Azadmedia.az-ın məlumatına görə, bu barədə Amerika diplomatik missiyasının saytında dərc olunmuş xəbərdarlıqda deyilir.

Səfirlik qeyd edib ki, Rusiya hakimiyyəti amerikalıların Rusiyada ikili vətəndaşlığının tanınmasını inkar edə, onları ABŞ konsulluq yardımından məhrum edə, həmçinin səfərbərliyə məruz qoya və ölkəni tərk etmələrinə mane ola bilər.
“Rusiyanı tərk etmək istəyirsinizsə, mümkün qədər tez təkbaşına hərəkətə keçməlisiniz. ABŞ səfirliyinin ABŞ vətəndaşlarına ölkəni tərk etməsinə kömək etmək imkanlarında ciddi məhdudiyyətlər var və nəqliyyat imkanları birdən-birə daha da məhdudlaşa bilər”, - bəyanatda deyilir.

Bundan əlavə, ABŞ səfirliyi Rusiyadakı vətəndaşlarına “hər hansı siyasi və ya sosial etirazlardan çəkinməyi” və bu cür hərəkətlərdə kəşfiyyatçıların şəklini çəkməməyi tövsiyə edib.

Rusiyanın Ukraynada hərbi əməliyyatı başlayandan bəri Amerikanın Moskvadakı səfirliyi öz vətəndaşlarına Rusiyanı tərk etmək üçün dəfələrlə müraciət edib. Sonuncu dəfə belə müraciət sentyabrın sonunda Rusiyada qismən səfərbərlik başlayandan sonra yerləşdirilib.