Harvard CAPS-Harris: Prezident seçkiləri indi keçirilsəydi, Tramp Baydenə qalib gələrdi

ABŞ-ın keçmiş prezidenti Donald Tramp prezident seçkiləri 2024-cü ildə deyil, tezliklə keçirilsəydi, hazırkı prezident Co Baydeni qabaqlayacaqdı. Azadmedia.az xəbər verir ki, bu barədə Harvard CAPS-Harris Poll-a istinadən The Hill məlumat yayıb.

Sorğunun nəticələrinə görə, respondentlərin 46%-i Trampa, 41%-i Baydenə səs verəcək.13% respondent öz seçiminə qərar verməyib. Eyni zamanda məqalədə qeyd edilir ki, Baydenin prezident kimi fəaliyyətinin bəyənmə reytinqi dəyişməz olaraq 42% səviyyəsində qalır.

Tramp prezident seçkilərində vitse-prezident Kamala Harrislə mübarizə aparsaydı, respondentlərin 49%-i ona, 39%-i Harrisə səs verəcəkdi.

Nəşr araşdırmaya istinadən Trampın hələ də rəqib respublikaçılar arasında favorit olduğunu qeyd edir. Hipotetik səkkiz tərəfli ilkin seçkidə respondentlərin 37%-i Trampa səs verəcək, 19%-i isə əvvəlki sorğulardan aşağı düşmüş Florida qubernatoru Ron DeSantisi dəstəkləyəcək.

Harvard CAPS-Harris sorğusu 15-16 fevral tarixlərində qeydə alınmış 1838 seçici ilə keçirilib.

Bundan əvvəl respublikaçı senator Markway Mullin ABŞ prezident seçkilərində iştirak etmək niyyətini açıqlayan Trampı dəstəkləyib.