İtaliya aprelin 26-da Ukraynanın bərpası ilə bağlı öz konfransını elan edib. Beləki, İtaliya Xarici İşlər Nazirliyi aprelin 26-da italiyalı sahibkarların iştirakı ilə Ukraynanın bərpası ilə bağlı konfransın keçiriləcəyini açıqlayıb. Azadmedia.az xəbər verir ki, bu barədə RİA Novosti İtaliya Xarici İşlər Nazirliyinin mətbuat xidmətinə istinadən xəbər verir.

Nazirliyin məlumatına görə, bu barədə İtaliyanın baş nazirinin müavini və xarici işlər naziri Antonio Tajani G7 ölkələrinin xarici işlər nazirlərinin videokonfransında bildirib.

"İtaliya Ukraynanın bərpası səylərində aparıcı rol oynamaq niyyətindədir", - mesajda deyilir.

Bundan əlavə, İtaliya öz şirkətlərinin təcrübəsini və nou-haularını bölüşməyə və əməkdaşlıq variantlarını işləməyə hazır olduqlarını bildirib.

“Romada keçiriləcək aprel konfransının məqsədi Kiyev hakimiyyətinə İtaliya sistemindən gələn təkliflərin aydın və ətraflı təsvirini təqdim etməkdir”, - mesajın sonunda deyilir.

Xatırladaq ki, daha əvvəl Tajani “diplomatiya üçün qapını həmişə açıq qoymaq” lazım olduğuna işarə etmişdi. Bundan əvvəl o, Ukraynaya italyan qırıcılarının tədarükünün “praktiki olaraq qeyri-mümkün” göründüyünü bildirib.