Birləşmiş Ştatlar hesab edir ki, Rusiya tərəfi Qara dənizdə düşmüş Amerikanın MQ-9 Reaper kəşfiyyat pilotsuz təyyarəsinin qalıqlarını tapıb. Azadmedia.az xəbər verir ko, bu barədə vəziyyətlə tanış olan ABŞ rəsmisinə istinadən CNN məlumat yayıb.

Nəşr qeyd edir ki, ABŞ prezidenti Co Baydenin administrasiyası PUA-nın qalıqlarının əhəmiyyətini və ya onların köməyi ilə hər hansı məxfi məlumat əldə etmək imkanını aşağı salıb.

Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbinin sözlərinə görə, ABŞ Rusiya tərəfinin kəşfiyyat dəyəri olan hər hansı qalıqları toplamasını qeyri-mümkün edib.