BMT baş katibinin nümayəndəsi Stefan Düjarrik bildirib ki, beynəlxalq təşkilat taxıl sazişinin işinin martın 18-də başa çatan müddətindən sonra da davam edəcəyinə ümid edir. Azadmedia.az TASS-a istinadla xəbər verir ki, o, bu barədə brifinqdə məlumat verib.

“Biz həqiqətən ümid edirik ki, təşəbbüs davam edəcək, gəmilər hərəkət etməyə davam edəcək. Hələlik orada dayanacağam”, - Düjarrik bildirib.

O vurğulayıb ki, BMT sazişin davam etdirilməsi və həyata keçirilməsi üzərində işləyəcək, BMT baş katibinin nümayəndəsi isə bunun taxıl müqaviləsinin 60 gün uzadılması deməkdirmi sualına cavab verməyib.

Martın 17-də BMT-nin Cenevrədəki mənzil-qərargahının sözçüsü Alessandra Vellucci bildirib ki, taxıl sazişinin uzadılması ilə bağlı bütün səviyyələrdə, o cümlədən BMT-nin Baş katibi Antonio Quterreş səviyyəsində müzakirələr davam edir. Həmin gün Rusiya prezidentinin mətbuat katibi Dmitri Peskov Rusiyanın taxıl müqaviləsini 60 gün uzaddığını təsdiqləyib.