Şimali Koreya lideri Kim Çen In ölkənin nüvə potensialını artırmaq üçün silaha aid nüvə materiallarının istehsalının artırılmasına göstəriş verib. Azadmedia.az xəbər verir ki, bu barədə çərşənbə axşamı TsTAK agentliyi məlumat yayıb.

“[Koreya Fəhlə Partiyasının] Mərkəzi Komitəsinin nüvə silahlarının sayını artırmaq planını tam şəkildə həyata keçirmək üçün gələcəkdə silah tipli nüvə materiallarının istehsalını genişləndirmək və silahlanmanın davam etdirilməsinə təkan vermək lazımdır”, - Kim Çen In bildirib.

KXDR lideri həmçinin vurğulayıb ki, suverenliyin qorunması üçün nüvə potensialının inkişafı zəruridir. "Biz nüvə qüvvələrimizi davamlı olaraq gücləndirmək üçün səy göstərməliyik", - o əlavə edib.