Rusiya Müdafiə Nazirliyinin rəhbəri Sergey Şoyqu Çelyabinsk və Kirov vilayətlərinin hərbi-sənaye kompleksinin (HİK) müəssisələrinə baxış keçirib və bu rayonların sənaye nümayəndələrinə bir sıra tapşırıqlar verib. Azadmedia.az xəbər verir ki, bu barədə Müdafiə Nazirliyinin Telegram kanalında məlumat verilib.
Nazir artilleriya, tank və minaatan mərmilərinin, həmçinin idarə olunmayan aviasiya raketlərinin istehsalını öyrənib.

Zavodlara baş çəkmənin nəticələrinə əsasən, Şoyqu bu zavodların istehsal etdiyi bütün hərbi təyinatlı məhsulların istehsalını artırmaq tapşırığı verib.

Rusiya prezidenti Vladimir Putin 2022-ci il dekabrın sonunda müdafiə sənayesi müəssisələrinin rəhbərləri ilə görüşündə ölkə Silahlı Qüvvələrinin qısa müddətdə lazımi silahlarla təmin olunmasını tələb edib. Onun sözlərinə görə, qabaqcıl hissələrin silah, texnika və sursatla təmin edilməsi müdafiə sənayesinin əsas vəzifəsidir.